Kocha Mkuu wa Yanga Mwinyi Zahera amesema timu yake bado ina nafasi ya kutwaa ubingwa msimu huu lakini inabidi wapate ushindi katika michezo sita iliyobaki
Zahera amesema wanahitaji kushinda michezo yote sita dhidi ya Azam Fc, Ruvu Shooting, Biashara United, Mbeya City, Tanzania Prisons na Azam Fc
"Ligi bado iko wazi hakuna timu ambayo imejihakikishia ubingwa. Kwa upande wetu hatupaswi kufanya makosa zaidi kwenye michezo iliyobaki ili kuwa na nafasi," amesema
Habari njema kwa Yanga ni kuwa ukiondoa mchezo dhidi ya Biashara United ambao utapigwa mkoani Mara, michezo mingine mitano itapigwa uwanja wa Taifa
Yanga itarudi Dar kumalizia michezo yake ya nyumbani iliyobaki baada ya michuano ya AFCON ya vijana kumalizika April 28 2019
April 29 Yanga itaanza kampeni ya kusaka ushindi katika michezo hiyo kwa kuikabili Azam Fc katika mchezo utakaopigwa uwanja wa Taifa
Yanga ina michezo miwili dhidi ya Azam Fc na pengine mchezo huo wa April 29 utabainisha hatma ya vinara hao wa ligi katika mbio za ubingwa
Baada ya mapumziko ya Pasaka, kikosi cha Yanga kitaendelea na maandalizi kuelekea mchezo dhidi ya Azam FC ambao utapigwa Jumatatu ijayo
