Vinara wa ligi Kuu ya Tanzania Bara Yanga wameendelea kujichimbia kilelenimwa msimamo wa ligi baada ya kuifumua African Lyon mabao 2-0 katika mchezo uliopigwa uwanja wa CCM Kirumba
Baada ya kulazimishwa sare ya bao 1-1 na Ndanda Fc katika mchezo uliopita, vijana wa Yanga leo waliingia CCM Kirumba wakiwa na shauku ya kuondoka na alama zote tatu
Iliwachukua dakika tano tu kuandika bao la kuongoza kupitia kwa kinara wake wa mabao Heritier Makambo aliyeunganisha nyavuni pasi 'mvusho' iliyopigwa na Kelvin Yondani
Makambo akaiongezea Yanga bao la pili kwenye dakika ya 31 akiunganisha kwa kichwa mpira wa adhabu uliopigwa Haruna Moshi.
Makambo amefikisha mabao 14 na kuchupa hadi nafasi ya pili katika orodha ya vinara wa upachikaji mabao akiwa sawa na Meddie Kagere wa Simba
Yanga ingeweza kufunga mabao zaidi kama wachezaji wake wangekuwa makini katika lango la African Lyon
Hata hivyo ushindi huo umeihakikishia Yanga kibaki kileleni kwa tofauti ya alama nane dhidi ya Azam Fc baada ya kufikisha alama 71
