Kikosi cha Yanga kiko jijini Mwanza kikiendelea na maandalizi ya mchezo wa ligi kuu ya Tanzania Bara dhidi ya African Lyon utakaopigwa kesho Jumatatu katika uwanja wa CCM Kirumba
Kabla ya kutua Mwanza, Yanga ilitokea mkoani Mtwara ambako ilicheza na Ndanda Fc na kulazimishwa sare ya bao 1-1
Vinara hao wa ligi kuu wamepata siku mbili tu za kujiandaa kabla ya kuivaa African Lyon hapo kesho
Kocha Msaidizi Noel Mwandila amesema licha ya kutopata muda wa kutosha wa kufanya maandalizi kutokana na ratiba, amesema wamepania kushinda mchezo dhidi ya African Lyon
"Hatujapata muda wa kutosha kujiandaa, maana baada ya mchezo dhidi ya Ndanda Siku ya ijumaa tukarejea Dar kisha siku inayofuata tukawasili Mwanza"
"Kwa hiyo siku mbili zote zimekuwa ni kwa ajili ya safari tu, hata leo hatuwezi kufanya mazoezi zaidi ni kuandaa miili na kuondoa uchovu," amesema
"Mchezo uliopita tulidondosha alama mbili lakini kesho ni matumaini yangu tutaibuka na ushindi ukizingatia vijana wana morali na ari ya ushindi"
