Juzi katika mchezo wa robo fainali ya kombe la FA kati ya Alliance Fc dhidi ya Yanga, winga Mrisho Ngasa na Kelvin Yondani walikosa mikwaju ya penati licha ya Yanga kushinda kwa penati 4-3
Penati ya Ngasa imesababisha simanzi wilayani Kilosa baada ya kusababisha kifo cha shabiki wa Yanga aliyefahamika kwa jina la Magambo M. Magambo
Kwa mujibu wa Sport Xtra, shabiki huyo alifariki akiwa anaangalia mpira kwenye 'kibandaumiza' pamoja na watazamaji wengine.
"Nilimpokea ndugu yangu hapa Kilosa tarehe 21 mwezi huu (3) akitokea Mwanza ambako ndipo alikuwa anaishi, anaitwa Magambo M. Magambo ana miaka 48. anasema Peter Lutandula ndugu wa karibu wa marehem."
"Jana tulitoka kwenda kibandani kuangalia mechi ya Alliance na Yanga, baada ya Mrisho Ngasa kukosa penati (penati za kutafuta mshindi) ndugu yangu akashtuka akafanya aaah! akaanguka na kupoteza maisha."
"Juhudi za kumsaidia zilishindikana tukapiga simu polisi wakaja tukaenda kuripoti kituo cha polisi baadaye tukaruhusiwa kuendelea na taratibu nyingine."
"Marehemu ni shabiki wa Yanga, alikuwa ni mpenzi wa Yanga kwelikweli lakini siwezi kusema kama alikuwa anatatizo la afya kwa sababu mwili wa mtu anaujua mwenyewe"
