Mkurugenzi wa Idara ya Maendeleo ya Michezo nchini Yusuph Singo ameliagiza Baraza la Michezo la Taifa (BMT) kwa kushirikiana na Shirikisho la Mpira wa Miguu Tanzania (TFF) kuhakikisha uchaguzi wa Yanga unafanyika ndani ya siku 30
Singo amesema anafahamu migogoro iliyokuwepo huko nyuma katika klabu ya Yanga imeshafika tamati hivyo hakuna sababu ya uchaguzi huo kutofanyika katika muda uliopangwa
Amewatahadharisha viongozi, wapenzi na wanachama wa Yanga kutoanzisha migogoro na vikwazo zaidi ili uchaguzi huo uweze kufanyika
Tamko hilo la Serikali limekuja siku moja baada ya Mwanachama maarufu wa Yanga Mzee Ibrahim Akilimali kuibuka na kupinga tarahe ya uchaguzi iliyotangazwa na Bodi ya Wadhamini ya Yanga, pia akipinga Kamati iliyoundwa kuisimamia timu kuelekea uchaguzi
Yanga imetangaza kufanya uchaguzi April 28 2019 baada ya viongozi wake wote kujiuzulu.
Kwa sasa timu inasimamiwa na Kamati Maalum iliyoundwa
