Kikosi cha Yanga kinatarajiwa kuondoka kesho Alhamisi asubuhi kuelekea mkoani Mwanza tayari kwa mchezo wa robo fainali kombe la FA dhidi ya Alliance Fc
Mchezo huo utapigwa Jumamosi, March 30 katika dimba la CCM Kirumba
Afisa Habari wa Yanga Dismas Ten amesema wachezaji 20 na viongozi nane wakiwemo wa benchi la ufundi wataondoka mapema kesho kuelekea Mwanza kwa usafiri wa Ndege
Akizungumzia maandalizi ya mchezo huo, Ten amesema wamefanya maandalizi ya kutosha na wana matumaini makubwa ya kupata matokeo yatakayowavusha hatua ya nusu fainali
Ten amesema hawaihofii Alliance Fc ambayo iliweka kambi nchini Rwanda kujiandaa na mchezo huo
Baadhi ya wachezaji ambao wataukosa mchezo huo ni beki Abdallah Shaibu 'Ninja', Gadiel Michael, Juma Mahadhi, Baruani Akilimali na Ramadhani Kabwili
