Kiungo Mohammed Issa 'Banka' amepata majeraha ya enka yanayoweza kumkosesha mchezo wa robo fainali kombe la FA dhidi ya Alliance Fc
Banka aliyeanza kuitumikia Yanga mwezi uliopita baada ya kumaliza adhabu ya kufungiwa miezi 14, anaungana na nahodha msaidizi Juma Abdul, Juma Mahadhi, Haji Mwinyi na beki kisiki Andrew Vicent anayesumbuliwa na maumivu ya misuli
Kikosi cha Yanga kimeendelea kujifua katika uwanja wa Chuo cha Polisi Kurasini jijini Dar es salaam kwa ajili ya maandalizi ya mchezo dhidi ya Alliance utakaopigwa jijini Mwanza Jumamosi ijayo, March 30 2019
Kocha Msaidizi wa Yanga Noel Mwandila ameongeza 'dozi' ya mazoezi kwa vijana wake ili kuhakikisha wanakuwa 'fit' kuikabili Alliance Fc iliyosheheni wachezaji wengi vijana wenye kasi
Msimu huu Yanga tayari imecheza na Allince Fc mara mbili na kufanikiwa kushinda michezo yote
Mchezo wa robo fainali kombe la FA utakuwa ni wa tatu kwa timu hizo kukutana
