Beki kisiki wa Yanga Andrew Vicent Chikupe huenda akaukosa mchezo wa ligi kuu ya Tanzania Bara dhidi ya Lipuli Fc kutokana na kusumbuliwa na majeraha ya misuli
Yanga inaondoka leo kuelekea mkoani Iringa kuifuata Lipuli Fc tayari kwa mchezo huo utakaopigwa keshokutwa Jumamosi kwenye uwanja wa Samora
Yanga inakabiliwa na changamoto katika safu yake ya ulinzi kwani itakosa huduma ya beki Abdallah Shaibu 'Ninja' aliyefungiwa michezo mitatu
Chikupe amekuwa nje ya dimba kwa zaidi ya wiki tatu mara ya mwisho alishiriki mchezo wa kombe la FA (ASFC) dhidi ya Namungo Fc uliofanyika mkoani Lindi
Amejumuishwa katika kikosi cha timu ya Taifa kinachoshuka dimbani March 24 kuikabili Uganda kwenye mchezo wa kusaka tiketi ya kutinga fainali za AFCON 2019
Kuna uwezekano mdogo kwa beki huyo aliyesajiliwa na Yanga kutoka Mtibwa Sugar kuwa fiti kuweza kucheza mchezo huo
Chikupe amekuwa akisumbuliwa na majeraha ya misuli mara kwa mara
