Alliance Fc yaomba radhi tukio la utovu wa nidhamu wa mchezaji wake

Uongozi wa klabu ya Alliance Fc umeiomba radhi Yanga na Watanzania wote kwa ujumla kufuatia tukio lisilo la kiungwana lililofanywa na mchezaji wake Juma Nyangi dhidi ya Gadiel Michael wa Yanga

Alliance Fc imesema itamchukulia hatua za kinidhamu beki huyo

Tayari Nyangi amefikishwa mbele ya Kamati ya Nidhamu ya klabu hiyo

Nyangi alimfanyia Gadiel tukio lisilo la ki-uanamichezo la kumpapasa makalio katika mchezo wa ligi kuu ya Tanzania Bara uliopigwa uwanja wa CCM Kirumba wiki iliyopita

Yanga iliibuka na ushindi wa bao 1-0