Timu zinazotumia Uwanja wa Uhuru, Taifa na Azam Complex kwaajili ya michezo ya ligi mbalimbali zimeshauriwa kutafuta viwanja vingine kwa ajili ya michezo yao kutokana na viwanja hivyo kukaribia kufungwa kupisha ukarabati kuelekea kwenye michuano ya Kombe la Mataifa ya Afrika kwa Vijana.
Wito huo umetolewa jana na Meneja wa Uwanja wa Taifa Nsajigwa Gordon ambaye amesema hatua hiyo inatokana na Shirikisho la Soka barani Afrika (CAF) kuagiza viwanja hivyo kufungwa ili kupisha marekebisho.
Yanga ni miongoni mwa timu zinazotumia uwanja wa Taifa kama uwanja wake wa nyumbani. Hivyo italazimika kutafuta uwanja mwingine kwa ajili ya michezo yake ya nyumbani
Hapa ndipo umuhimu wa timu kumiliki uwanja wake unapoonekana
Kufuatia hatua hiyo,wengi wamependekeza uwanja wa CCM Kirumba ambao Yanga imewahi kuutumia mara kadhaa kwa michezo yake mbalimbali ya Kimataifa
Yanga pia ina uungwaji mkono mkubwa mkoani Mwanza.
Lakini pia hata dimba la Amaan visiwani Zanzibar linaweza kufaa kutumiwa na mabingwa hao wa Kihistoria
Viwanja vya Uhuru, Taifa na Azam Complex vinatarajiwa kufungwa ili kupisha ukarabati tayari kwa michuano ya AFCON 19 ngazi ya vijana chini ya umri wa miaka 17 inayotarajiwa kuanza April 14-28 Tanzania ikiwa mwenyeji wa michuano hiyo
