Azam Fc yawatimua Pluijm, Mwambusi

Klabu ya Azam Fc imetangaza kusitisha mikataba ya kocha Mkuu wa timu hiyo Hans van Pluijm na Msaidizi wake Juma Mwambusi

Uongozi wa Azam Fc umechukua hatua hiyo kufuatia mwenendo usioridhisha wa timu hiyo kwenye ligi

Azam Fc imecheza michezo mitano mfululizo bila ya kushinda jana ikifungwa mabao 3-1 na Simba

Pluijm alitua Azam Fc mwanzoni mwa msimu akijiunga na timu hiyo akitokea klabu ya Singida United ambayo aliitumikia kwa msimu mmoja

Pluijm amewahi kuiongoza Yanga kwa mafanikio, akishinda taji la ligi kuu misimu ya 2014/15 na 2015/16