Kocha Mkuu wa Yanga Mwinyi Zahera amesema wanahitaji kushinda mchezo wa kombe la FA (ASFC) dhidi ya Namungo Fc utakaopigwa kesho Jumapili katika uwanja wa Majaliwa
Zahera alitua jana wilayani Ruangwa na kikosi cha wachezaji 20 wakipata mapokezi makubwa kutoka kwa wakazi wa wilaya hiyo
"Nafahamu ubingwa wa michuano hii unatoa nafasi ya kushiriki michuano ya CAF msimu ujao, hivyo nimewaambia wachezaji wangu hatupaswi kudharau mpinzani wetu," amesema
Ushindi katika mchezo huo wa raundi ya tano utaihakikishia Yanga kutinga robo fainali ya michuano hiyo ambayo bingwa wake atajinyakulia kitita cha Tsh Mil 50 pamoja na kushiriki michuano ya kombe la Shirikisho barani Afrika
Namungo Fc inanolewa na beki wa zamani wa Yanga Bakari Malima 'Jembe Ulaya'
Timu hiyo inayodhaminiwa na Waziri Mkuu Mh Kassim Majaliwa ambaye ndiye Mbunge wa Ruangwa, sio ya kubeza kwani inaongoza kundi A ligi daraja la kwanza wakiwa hawajapoteza mchezo katika uwanja wao
