Yanga 'kibaruani' Mwanza leo

Vinara wa ligi kuu ya Tanzania Bara Yanga leo jioni wanashuka uwanja wa CCM Kirumba mkoani Mwanza kuikabili Mbao Fc katika mchezo unaotarajiwa kuanza saa kumi kamili jioni

Yanga iko Mwanza tangu juzi ikifanya maandalizi ya mchezo huo ambapo jana jioni ilifanya mazoezi ya mwisho katika dimba la CCM Kirumba litakalotumika leo

Kocha Mkuu wa Yanga Mwinyi Zahera amesema amekiandaa kikosi chake kikamilifu kuhakikisha leo wanafuta uteja dhidi ya Mbao Fc kwa kuondoka na alama zote tatu mkoani Mwanza

Matokeo ya ushindi yataifanya Yanga iendelee kujikita kileleni mwa msimamo wa ligi na kujiwekea mazingira mazuri ya kutwaa ubingwa msimu huu