Kocha Mkuu wa Yanga Mwinyi Zahera amesema ataandaa mkakati wa 'kuimaliza' Simba kwenye mchezo wa ligi kuu utakaopigwa uwanja wa Taifa Jumamosi ya wiki hii
Akizungumza jana baada ya mchezo dhidi ya JKT Tanzania ambao Yanga iliibuka na ushindi wa bao 1-0, Zahera alisema hakuwa akifahamu kama mchezo dhidi ya Simba utapigwa Februari 16
"Hata nilikuwa sifahamu kuwa tutacheza na Simba Jumamosi ijayo," alisema Zahera
"Nafahamu Simba wanacheza na Al Ahly wiki hii. Nitakaa na wenzangu usiku huu ili tuone tunajipanga vipi kuelekea mchezo huo"
Aidha akizungumzia ushindi wa Yanga jana, Zahera aliyebadili wachezaji sita wa kikosi kilichoikabili Singida United, alisema wachezaji wake walitimiza wajibu wao kama wanavyofanya siku zote
"Mchezo wa leo haukuwa na tofauti na michezo mingine. Wachezaji wangu wamefanya vile nilivyowaelekeza," alisema
"Labda tofauti ninayoweza kuisema ni kuwa leo waamuzi hawakutukalia goli. Mpira umeingia wavuni mwamuzi akaitika"
Katika michezo miwili dhidi ya Coastal Union na Singida United, Yanga ilifunga mabao lakini yalikataliwa na waamuzi
Inaelezwa Yanga itaelekea mkoani Morogoro kuweka kambi ya siku tano kujiandaa na mchezo dhidi ya Simba
