Klabu ya African Lyon imeandika Barua kwa Bodi ya Ligi Kuu ikiomba mchezo wake dhidi ya Simba ambao umepangwa kupigwa Februari 19 katika dimba la Sheikh Amri Abeid jijini Arusha, urejeshwe uwanja wa Taifa, Dar es salaam
Klabu hiyo inadai kupata hasara kwenye mchezo dhidi ya Yanga kutokana na gharama za usafiri, kambi pamoja na makato mengine
Uamuzi huo wa sasa unakwenda tofauti na sababu yao ya mwanzoni kuwa waliamua kuhamishia michezo yao (dhidi ya Simba na Yanga) jijini Arusha kutokana na kukosa mashabiki Dar
Hata hivyo TFF imekataa ombi hilo na mchezo huo utapigwa Arusha kama ulivyopangwa
Hiki kilichofanywa na African Lyon kama kingekubaliwa na TFF basi huenda timu nyingine zingechukua maamuzi kama hayo ya kuhamisha viwanja vyao ya nyumbani KIHOLELA
Ni sheria, kabla ya ligi kuanza kila timu inabainisha uwanja wake wa nyumbani itakaotumia, uwanja huo hukaguliwa na wahusika kisha kuidhinishwa
Ni jambo la kushangaza kwa ligi kuu ya Tanzania timu inaweza kuruhusiwa kubadili uwanja wake wakati wowote tena bila ya sababu za msingi
