Mwanzoni mwa mwaka huu wakati akihojiwa katika kipindi cha Nyundo ya Baruani, Kocha Mkuu wa Yanga Mwinyi Zahera alisema atashirikiana na viongozi wa timu hiyo kuhakikisha wanaandaa utaratibu mzuri wa kuwashirikisha mashabiki na wanachama wa klabu hiyo kuiendesha timu yao
Zahera alisema Yanga ina utajiri mkubwa wa watu ambao kama wakitengenezewa utaratibu mzuri wataweza kuiendesha timu hiyo bila kutegemea wadhamini
Zahera kwa kushirikiana na viongozi wa Yanga wamebuni utaratibu wa kuichangia Yanga kupitia benki ya CRDB pamoja na mitandao ya simu.
Amesema utaratibu huo utawawezesha wadau wa Yanga kuichangia timu yao huku mapato yanayopatikana yakitangazwa kila wiki
Zahera amesema kuwa wako katika hatua za mwisho kufungua akaunti hiyo maalum ambayo 'signatories' wake atakuwa yeye Mwinyi Zahera, Ibrahim Ajib na Hafidh Saleh.
Zahera amesema atakuwa wa kwanza kuchangia kiasi cha Tsh Milioni Moja
Aidha tayari matangazo kuhusu kampeni hiyo yanaandaliwa Azam TV na kutakuwa na uzinduzi rasmi wa kuanza kwa zoezi hilo
"Yanga ni timu tajiri ila haina mfumo mzuri wa kuwaweka pamoja wanachama wake na wakaweza kuigharamia timu yao," amesema Zahera
"Nimekuwa nikipita mahali watu wananipongeza kwa kazi nzuri wanaenda mbali zaidi wakielezea jinsi wanavoipenda timu yao na wapo tayari kuichangia
"Kwa hesabu za haraka Yanga ina mashabiki zaidi ya milioni 5 . Ukijenga utaratibu mzuri hao wanachama wakachangia 2500 tu kwa mwezi ni sawa na 12,500,000,000. Utasemaje timu maskini?
"Hiyo hela inatosha kusajili wachezaji pia kuwa na uwanja wetu. Ili kuonesha tumedhamiria ndio maana tumefika hapa studio nikiwa na wachezaji saba, Cannavaro , Hafidh na katibu Omar Kaya. Tunaanda tangazo wiki ijayo litaanza kuruka hewani"
