Kwa sasa vita ya ubingwa wa ligi kuu imebaki kwa timu tatu tu, Yanga, Azam Fc na Simba.
Yanga ndio ina nafasi nzuri zaidi ya kutwaa ubingwa kama itachanga karata zake vyema
Ikiwa inaongoza ligi kwa tofauti ya alama sita dhidi ya Azam Fc, Yanga haipaswi kufungwa katika michezo miwili itakayocheza na wauza ice cream hao
Yanga na Azam Fc bado hazijacheza mchezo wa mzunguuko wa kwanza na zitachuana kwenye mchezo wa mzunguuko wa pili pia
Aidha Yanga pia haipaswi kupoteza mchezo dhidi ya Simba utakaopigwa Februari 16 katika dimba la Taifa
Baada ya kulazimisha suluhu ya bila kufungana kwenye mchezo wa mzunguuko wa kwanza, Februari 16 Yanga inapaswa kuondoka na alama zote tatu dhidi ya watani zao hao ambao wameonyesha kuwa sio timu ya kuhofia tena.
Alama tisa (tatu za Simba na sita za Azam Fc) huenda zikaamua hatma ya ubingwa kwa kikosi cha Yanga msimu huu
