Kocha Mkuu wa Yanga Mwinyi Zahera amewataka mashabiki wa timu hiyo kuwa na utulivu na wafahamu kufungwa ni moja ya matokeo ya mpira wa miguu
Baada ya Yanga kupoteza michezo miwili mfululizo, mmoja wa ligi na mwingine wa michuano ya SportPesa baadhi ya mashabiki wa timu hiyo wanataka kurejeshwa kwa mlinda lango Beno Kakolanya
Hata hivyo Zahera amesisitiza kufungwa kwa Yanga katika michezo miwili iliyopita hakujasababishwa na mlinda lango
"Mabao tuliyofungwa katika michezo iliyopita sio makosa ya golikipa. Ni mabao ambayo mlinda lango yeyote anaweza kufungwa kwa kuwa makosa tayari yalikuwa yamefanyika," amesema Zahera
"Wakati tunashinda mfululizo sikusikia watu wakimtaja Beno, lakini leo tumefungwa michezo miwili lawama zinakwenda kwa Kindoki"
Zahera amesisitiza kuwa timu hiyo itaendelea kuwatumia walinda lango waliopo kwa kuwa anaamini wana uwezo wa kuisaidia Yanga
