Taarifa zilizopatikana mapema leo zimebainisha kuwa majadiliano ya kumrejesha Beno Kakolanya kikosini yanaendelea na upo uwezekano mkubwa mwafaka utafikiwa
Yanga imedhamiria kutwaa ubingwa msimu huu, inahitaji kuwa imara katika kila idara ili kulifanikisha hilo
Licha ya Ramadhani Kabwili na Klaus Kindoki kuendelea kuibeba Yanga iliyopoteza mchezo mmoja tu tangu Kakolanya alipogoma, uzoefu wa mlinda lango huyo huenda ukahitajika katika mzunguuko huu wa pili wa ligi kuu ya Tanzania Bara
Hivi karibuni Mwanasheria wa Beno alikutana na uongozi wa Yanga kuutaka umwachie huru mlinda lango huyo kwa kuvunja mkataba wake, kwani kuendelea kumn'gan'gania wakati hawamtumii ni kumuharibia kipaji chake
Kwa kipindi chote ambacho Kakolanya amekosekana katika kikosi cha Yanga atakuwa amejifunza jambo.
Kama utapatikana mwafaka basi hakuna shaka Wana Jangwani watampokea tena kwa mikono miwili
Lakini angalizo limetolewa kuwa ni muhimu Kocha Mwinyi Zahera akaridhia urejeo wake, kwani kama uongozi wa Yanga utamrudisha bila ridhaa yake, kocha huyo tayari ameshasema kuwa ataondoka
