Makambo kuongoza maangamizi ya Stand United

Kinara wa mabao ligi kuu ya Tanzania Bara Heritier Makambo ataongoza kikosi cha Yanga kuikabili Stand United kesho kwenye mchezo wa ligi utakaopigwa dimba la Kambarage

Makambo aliyetua hivi karibuni kutoka Congo, yuko Shinyanga na kikosi cha mabingwa hao wa kihistoria wa Tanzania

Baada ya kukosa mchezo uliopita dhidi ya Mwadui Fc, Makambo amepania kuwaadhibu Stand United ili kujiongezea mabao katika mbio za kuwania kiatu cha dhahabu

Mcongomani huyo mwenye mabao 11 amekuwa gumzo zaidi miongoni mwa mashabiki wa Yanga hapa Shinyanga

Yanga iliwasili mkoani Shinyanga ikitokea Mwanza ilikotua kwa usafiri wa ndege mapema asubuhi

Leo itafanya mazoezi yake ya mwisho kwenye uwanja wa Kambarage tayari kwa mchezo hapo kesho