Yanga yatua Mwanza, kwenda Shinyanga kwa basi

Kikosi cha mabingwa wa kihistoria Tanzania, Yanga kimewasili mkoani Mwanza kikitarajiwa kuchukua usafiri wa barabara kuelekea mkoani Shinyanga

Yanga iliondoka jijini Dar es salaam mapema leo asubuhi kwa usafiri wa ndege hadi Mwanza

Jumamosi, vinara hao wa ligi kuu wanatarajiwa kuikabili Stand United kwenye mchezo wa ligi kuu ya Tanzania Bara utakaopigwa dimba la Kambarage

Katika mchezo wa mzunguuko wa kwanza Yanga iliilaza Stand United mabao 4-3 na itakuwa inasaka ushindi mwingine ili kuzidi kuukaribia ubingwa wa ligi kuu msimu huu