Ajib aongoza maangamizi ya Mwadui Fc

Kiungo mshambuliaji wa Yanga Ibrahim Ajib leo amelipa heshima ya unahodha aliyopewa na kocha Mwinyi Zahera baada ya kuwaongoza mabingwa hao wa kihistoria kuibuka na ushindi wa mabao 3-1 dhidi ya Mwadui Fc.

Kwa wale waliokuwa na mashaka juu ya uamuzi wa Zahera kumpa Ajib kitambaa cha unahodha leo watakuwa wamefahamu faida ya uamuzi huo wa Zahera

Ajib alifunga bao lake la sita msimu huu katika mchezo huo. Lakini pia aliongeza 'assist' nyingine ya 14

Leo Ajib ameonekana kuyavaa kikamilifu majukumu ya 'unahodha' wa timu akicheza kwa mfano akitambua kuwa yeye ni kiongozi

Hakuna shaka kitambaa cha unahodha kitamfanya Ajib ajitambue zaidi na Wana Jangwani watarajie mambo mazuri zaidi kutoka kwake katika mzunguuko huu wa pili