Wagombea wawili wa nafasi ya Mwenyekiti wa Yanga Baraka Igangula na Dk Jonas Tiboroha leo watachuana katika mdahalo utakaorushwa mbashara na Azam Tv kuanzia saa tatu na nusu usiku kupitia chaneli ya Azam Sport 2.
Mdahalo huo pia utahusisha wagombea wa nafasi ya Makamu Mwenyekiti
Igangula na Dk Tiboroha wanachuana vikali kwenye kampeni kuelekea uchaguzi wa kujaza nafasi zilizowazi utakaofanyika keshokutwa Jumapili
Wote wamejipambanua kutaka kufanya mabadiliko ya kweli katika klabu ya Yanga
Wakati Igangula akijipambanua kufanya mabadiliko ya uendeshaji wa klabu na kuwashughulikia walioifisadi Yanga, Dk Toboroha yeye amejikita katika kushirikiana na kuirejesha timu kwa Wanachama.
Wagombea wote wameahidi kufanya mabadiliko ya mfumo wa uendeshaji wa Yanga ili timu iweze kujiendesha kwa mfumo wa kisasa
Wote wameonyesha kukerwa na mfumo wa mauzo holela ya jezi za Yanga unaoikosesha klabu mapato na kuahidi kurekebisha hilo.
Wote ni wasomi, na wana uzoefu na uongozi wa Yanga kwani wamewahi kuwa viongozi wa Yanga kwa nyakati tofauti
