Makambo kutua Jumapili

Kinara wa mabao ligi kuu ya Tanzania Bara Heritier Makambo anatarajiwa kuwasili Jumapili kutoka kwao DR Congo alikokwenda kwa ajili ya mapumziko.

Kocha Mkuu wa Yanga Mwinyi Zahera aliwapa mapumziko baadhi ya nyota wa timu hiyo akiwemo Makambo waende kushughulikia masuala binafsi

Afisa Habari wa Yanga Dismas Ten amethibitisha kurejea kwa mshambuliaji huyo sambamba na kiungo Papi Kabamba Tshishimbi ambaye alikwenda Congo kuhudhuria msiba wa mkwe wake

Kikosi cha Yanga kinaendelea kujifua uwanja wa Chuo cha Polisi Kurasini jijini Dar es salaam kujiandaa na mchezo wa ligi kuu ya Tanzania Bara dhidi ya Mwadui Fc.

Mchezo huo utapigwa Januari 16 katika dimba la Taifa