Kampeni za uchaguzi wa kujaza nafasi zilizowazi katika klabu ya Yanga zimefunguliwa rasmi na Mwenyekiti wa kamati ya Uchaguzi ya Shirikisho la soka nchini (TFF) Ally Nchungahela.
Uchaguzi huo unatarajiwa kufanyika Jumapili ijayo Januari 13 2019 katika ukumbi wa Osterbay jijini Dar es salaam.
Mchungahela amesema wagombea wote wana haki ya kupiga kampeni katika matawi yao na hawatarajii kujitokeza kwa vikwazo vya kuwazuia wagombea hao wasifanye kampeni
"Tawi ni mali ya klabu hivyo mgombea yeyote anaruhusiwa kwenda kufanya kampeni kama wewe hutaki kumsikiliza ni vyema ukaondoka kuliko kufanya vurugu vyombo vya ulinzi na usalama vitakuwa macho," amesema
Naye Mjumbe wa Kamati ya Utendaji ya Yanga Siza Lyimo amewataka wanachama wa klabu hiyo kulipia kadi zao kwani ni wanachama wenye kadi hai pekee ambao wataruhusiwa kupiga kura.
Katika uchaguzi huo Wanachama wote wenye kadi mpya na za zamani wataruhusiwa kupiga kura ili mradi tu wawe wamelipia kadi zao.
