Kamati ya mashindano ya michuano ya Mapinduzi imeiruhusu klabu ya Yanga kucheza michuano hiyo baada ya kuongeza wachezaji watano wa kikosi cha kwanza.
Katibu wa kamati hiyo Khamis Abdalah Said amesema kuwa awali waliiagiza Yanga kuongeza wachezaji wa kikosi cha kwanza kutokana na umuhimu wa michuano hiyo hasa baada orodha ya kwanza kuwa na idadi kubwa ya wachezaji kutoka timu ya vijana.
Amesema kwamba Yanga walitii agizo hilo na kikosi ambacho kimesafiri Zanzibar kimepewa baraka zote za kushiriki michuano hiyo ambayo imeanza rasmi hapo jana.
Jana Yanga ilitoa orodha ya wachezaji waliotakiwa kusafiri visiwani Zanzibar kushiriki michuano hiyo ikiwa na asilimia kubwa ya wachezaji wa kikosi cha vijana.
Kikosi cha Yanga tayari kiko visiwani Zanzibar na kinaongozwa na Kocha Noel Mwandila anayesaidiwa na Said Maulid 'SMG' na Nadir Haroub 'Cannavaro'.
