Wababe wamerejea Dar

Kikosi cha Yanga kimerejea jijini Dar es Salaam mapema leo kwa usafiri wa ndege kikitokea Mbeya

Jana Yanga ilifunga mwaka kwa ushindi wa mabao 2-1 dhidi ya Mbeya City na kujiimarisha kileleni mwa msimamo wa ligi kwa tofauti ya alama 10.

Safari ya Yanga mkoani Mbeya ilikuwa ya mafanikio makubwa kutokana na sapoti iliyotolewa na WanaYanga wa mkoa huo na mkoa wa jirani Songwe.

Vinara hao wa ligi kuu wanatarajiwa kuelekea visiwani Zanzibar kushiriki michuano ya kombe la Mapinduzi