Utaratibu wa mashabiki na wanachama wa klabu ya Yanga kuichangia timu hiyo kila mkoa inaokwenda umeanza kuwa na manufaa kwa vinara hao wa ligi kuu baada ya leo mkoani Mbeya wachezaji na benchi la ufundi kupewa posho kabla ya mchezo dhidi ya Mbeya City.
Posho hizo ni fedha zilizochangiwa na Wana Yanga wa mkoa wa Mbeya na wale wa mkoa wa Songwe ambao wamejumuika na wenzao wa Mbeya kuhakikisha Yanga inapata ushindi dhidi ya Mbeya City leo.
Aidha Wana Yanga hao wameurasimisha utaratibu wa mashabiki kuichangia timu uwanjani baada ya kutengeneza 'kontena' maalum za kukusanyia michango hiyo.
Utaratibu huu ulianzishwa na mashabiki wa Yanga wa mkoa wa Arusha wakati Yanga ilipokwenda kucheza na African Lyon.
Wana Yanga wa Mbeya na Songwe wanastahili pongezi kwa jitihada zao na hakika hiyo ndio maana halisi ya timu ya Wananchi.
