Kikosi cha mabingwa wa kihistoria wa soka Tanzania Yanga tayari kiko mkoani Mbeya kikijiwinda na mchezo wa ligi kuu ya Tanzania Bara dhidi ya Mbeya City.
Mchezo huo wa kufunga mwaka 2018 utapigwa katika uwanja wa Sokoine Jumamosi, Disemba 29 2018
Yanga inayoongoza ligi ikiwa na alama 47 baada ya kushuka dimbani mara 17, itakuwa ikisaka matokeo ya ushindi ili kuhakikisha inafunga mwaka ikiwa kileleni mwa msimamo wa ligi.
Ushindi pia utaihakikishia Yanga kumaliza mzunguuko wa kwanza wa ligi kuu ikiwa kileleni.
Mzuka wa vijana hao wa Jangwani uko juu, ukiongezeka zaidi baada ya kuwasili kwa kocha Mwinyi Zahera aliyekuwa nchini Ufaransa kushughulikia masuala binafsi ya kibiashara.
Michezo ya raundi ya 18 ambayo itafunga mwaka itaanza kupigwa kesho Ijumaa kama inayoonekana kwenye ratiba hapa chini.
