Baada ya ushindi mnono wa mabao 4-0 kombe la FA dhidi ya Tukuyu Stars leo, mwishoni mwa wiki hii kikosi cha Yanga kinakabiliwa na mchezo wa kufunga mwaka 2018 dhidi ya Mbeya City utakaopigwa dimba la Sokoine mkoani Mbeya.
Kocha Mkuu wa Yanga Mwinyi Zahera atauwahi mchezo huo wa ligi unaosubiriwa kwa hamu na mashabiki wa soka nchini.
Zahera anatarajiwa kutua nchini siku ya Jumatano Disemba 26 kutoka Ufaransa alikokwenda kushughulikia masuala yake binafsi ya kibiashara.
Kufuatana na ushauri wa kocha huyo kikosi cha Yanga kinatarajiwa kuondoka siku ya Alhamisi Disemba 27 kwa usafiri wa ndege.
Zahera amewataka mashabiki wa Yanga kuichangia timu hiyo ili kuhakikisha inakwenda mkoani Mbeya kwa ndege kama ilivyopanga
Kocha huyo aliyeonyesha mapenzi makubwa kwa Yanga amesema yeye pia atachangia kiasi cha pesa kitakachopungua ili kuhakikisha Yanga inakwenda Mbeya kwa Ndege
