Kikosi cha mabingwa kihistoria wa Tanzania Yanga leo kimefanya mazoezi ya mwisho kwenye uwanja wa chuo cha Polisi Kurasini jijini Dar es salaam kujiandaa na mchezo wa kombe la FA (ASFC) dhidi ya Tukuyu Stars.
Mchezo huo utapigwa kesho Jumatatu, Disemba 24 katika dimba la Taifa ukitarajiwa kuanza saa kumi kamili jioni.
Kiungo mpya wa Yanga Haruna Moshi 'Boban' ni miongoni mwa wachezaji waliohudhuria mazoezi hayo yaliyosimamiwa na kocha Msaidizi Noel Mwandila anayekaimu nafasi ya Mwinyi Zahera ambaye bado yuko nchini Ufaransa kukamilisha mambo yake ya kibiashara.
Vinara hao wa ligi kuu kuu wamepania kupata ushindi hapo kesho ili kutinga raundi ya nne ya michuano ya kombe la FA.
ADVERTISE HERE
