Winga wa Yanga Mrisho Ngasa yuko huru kuitumikia timu hiyo kwenye michezo ya ligi na kombe la FA baada ya kumaliza adhabu ya kukosa michezo mitatu.
Ngasa alitolewa nje kwa kadi nyekundu kwenye mchezo wa ligi kuu ya Tanzania Bara dhidi ya Tanzania Prisons uliopigwa Disemba 03 mkoani Mbeya baada ya kumpiga kichwa Hassani Kapalata
Mchezo huo uliogubikwa na vurugu nyingi baada ya waamuzi kushindwa kuumudu, pia ulishuhudia nahodha wa Tanzania Prisons Laurian Mpalile naye akilambwa kadi nyekundu baada ya kumpiga kichwa Ngasa
Yanga ilifanikiwa kuondoka na ushindi wa mabao 3-1 ambapo mabao ya Yanga yaliyofungwa na Amisi Tambwe (2) na Ibrahim Ajib.
Ngasa na Mpalile wamenusurika na adhabu zaidi baada ya kutumikia adhabu ya kadi nyekundu walizopewa kwenye mchezo huo.
Beki Andrew Vicent amepelekwa Kamati ya Nidhamu ya Nidhamu ya TFF akihusishwa kufanya matukio ya utovu wa nidhamu katika mchezo huo
