Mlinda lango mkongwe Ivo Mapunda amemshauri kipa wa Yanga Beno Kakolanya kutafakari upya uamuzi wake wa kugoma akishinikiza alipwe madeni anayoidai Yanga
Ivo aliyewahi kun'gara hapa Tanzania, Kenya na Ethiopia amesema mgomo huo anaofanya unam-maliza yeye mwenyewe.
Kuendelea kukaa nje bila kucheza kwa muda mrefu kutashusha kiwango chake pia kutaondoa imani kwa kocha wake Mwinyi Zahera na hata akiondoka Yanga rekodi hiyo itaendelea kumfuata huko aendako
“Kakolanya ni kipa mzuri, ila anachokifanya sasa ni kujidanganya maana kiwango chake kinashuka, kukaa nje muda mrefu hakumjengi mchezaji hata kama hana mpango wa kucheza Yanga huko anakokwenda anapoteza uaminifu labda kama anaenda nje pia wanafuatilia hadi mechi ya mwisho pamoja na historia ya mchezaji," Ivo amenukuliwa na Mwanaspoti
“Miaka michache iliyopita tulikuwa tunaangalia zaidi kupata nafasi ya kucheza ili uonekane na timu zingine, masilahi lilikuwa jambo la pili ila sasa ni tofauti kabisa na wachezaji wetu hawa, masilahi kwanza kucheza baadaye bila kujali wanapeleka wapi viwango vyao, hii inawaumiza wachezaji wengi.
“Kakolanya ni kijana mwenye umri mdogo kukaa nje kunamuumiza yeye na si mtu mwingine, Yanga sasa hivi inafanya vizuri angekuwepo yeye nafasi yake ilikuwa wazi sana ya kucheza lakini Ramadhan Kabwili kakamata dimba na ataendelea kuwa bora zaidi baada ya Klause Kindoki kutoka mchezoni alipofanya vibaya kwenye mechi za nyuma”
Kwa mwezi mmoja sasa Kakolanya amejiondoa kwenye kikosi cha Yanga akishinikiza alipwe pesa ya usajili iliyobaki na mishahara ya miezi kadhaa ambayo hajalipwa
Hata hivyo uongozi wa Yanga umesisitiza kuwa wachezaji wote wanaidai klabu hiyo na wamekuwa wakilipa madai hayo kwa awamu
Lakini ni Kakolanya pekee aliyeondoka kabisa kwenye kambi ya klabu hiyo huku Kocha Mwinyi Zahera akisema hafahamu alipo mchezaji huyo na hajamuona tangu aliporejea kutoka DR Congo kutimiza majukumu ya timu ya Taifa
Kakolanya aligoma kujiunga kwenye kikosi cha Yanga baada ya kurejea kutoka Lesotho na timu ya Taifa mwezi uliopita
Sintofahamu kuhusu mlinda lango huyo imeshika kasi zaidi baada ya kubainika wakala wake ni kiongozi mwandamizi katika klabu ya Simba.
Wengi wanauchukuliwa mgomo huo kama hujuma kwa Yanga ambayo ilikuwa ikimtegemea zaidi mlinda lango huyo baada ya Klaus Kindoki kuonyesha udhaifu mkubwa
Hata hivyo kinda Ramadhani Kabwili ameweza kuisaidia Yanga kushinda michezo yote mitano aliyodaka na hivyo kupunguza thamani ya Kakolanya kwenye kikosi cha Yanga.
Ivo aliyewahi kun'gara hapa Tanzania, Kenya na Ethiopia amesema mgomo huo anaofanya unam-maliza yeye mwenyewe.
Kuendelea kukaa nje bila kucheza kwa muda mrefu kutashusha kiwango chake pia kutaondoa imani kwa kocha wake Mwinyi Zahera na hata akiondoka Yanga rekodi hiyo itaendelea kumfuata huko aendako
“Kakolanya ni kipa mzuri, ila anachokifanya sasa ni kujidanganya maana kiwango chake kinashuka, kukaa nje muda mrefu hakumjengi mchezaji hata kama hana mpango wa kucheza Yanga huko anakokwenda anapoteza uaminifu labda kama anaenda nje pia wanafuatilia hadi mechi ya mwisho pamoja na historia ya mchezaji," Ivo amenukuliwa na Mwanaspoti
“Miaka michache iliyopita tulikuwa tunaangalia zaidi kupata nafasi ya kucheza ili uonekane na timu zingine, masilahi lilikuwa jambo la pili ila sasa ni tofauti kabisa na wachezaji wetu hawa, masilahi kwanza kucheza baadaye bila kujali wanapeleka wapi viwango vyao, hii inawaumiza wachezaji wengi.
“Kakolanya ni kijana mwenye umri mdogo kukaa nje kunamuumiza yeye na si mtu mwingine, Yanga sasa hivi inafanya vizuri angekuwepo yeye nafasi yake ilikuwa wazi sana ya kucheza lakini Ramadhan Kabwili kakamata dimba na ataendelea kuwa bora zaidi baada ya Klause Kindoki kutoka mchezoni alipofanya vibaya kwenye mechi za nyuma”
Kwa mwezi mmoja sasa Kakolanya amejiondoa kwenye kikosi cha Yanga akishinikiza alipwe pesa ya usajili iliyobaki na mishahara ya miezi kadhaa ambayo hajalipwa
Hata hivyo uongozi wa Yanga umesisitiza kuwa wachezaji wote wanaidai klabu hiyo na wamekuwa wakilipa madai hayo kwa awamu
Lakini ni Kakolanya pekee aliyeondoka kabisa kwenye kambi ya klabu hiyo huku Kocha Mwinyi Zahera akisema hafahamu alipo mchezaji huyo na hajamuona tangu aliporejea kutoka DR Congo kutimiza majukumu ya timu ya Taifa
Kakolanya aligoma kujiunga kwenye kikosi cha Yanga baada ya kurejea kutoka Lesotho na timu ya Taifa mwezi uliopita
Sintofahamu kuhusu mlinda lango huyo imeshika kasi zaidi baada ya kubainika wakala wake ni kiongozi mwandamizi katika klabu ya Simba.
Wengi wanauchukuliwa mgomo huo kama hujuma kwa Yanga ambayo ilikuwa ikimtegemea zaidi mlinda lango huyo baada ya Klaus Kindoki kuonyesha udhaifu mkubwa
Hata hivyo kinda Ramadhani Kabwili ameweza kuisaidia Yanga kushinda michezo yote mitano aliyodaka na hivyo kupunguza thamani ya Kakolanya kwenye kikosi cha Yanga.
ADVERTISE HERE
