Yanga yapania kutumia sare ya Azam Fc kujiimarisha kileleni

Jumapili ijayo Disemba 16 2018 kikosi cha Yanga kitashuka kwenye uwanja wa Taifa kuikabili Ruvu Shooting katika mchezo wa ligi kuu ya Tanzania Bara.

Baada ya leo Azam Fc kulazimishwa sare ya mabao 2-2 na KMC, Jumapili Yanga itakuwa na nafasi ya kuongeza tofauti ya pointi dhidi ya timu hiyo na kuwa nne kama itaifunga Ruvu Shooting

Yanga, Azam Fc zimekuwa zikichuana kileleni mwa msimamo wa ligi zikibadilishana nafasi hiyo ambapo jana Yanga ilirudi kileleni baada ya kuilaza Biashara United mabao 2-1 na kufikisha alama 41.

Kama Azam Fc ingeshinda leo ingeongoza ligi lakini sasa imeendelea kubaki nafasi ya pili ikiwa na alama 40 pia ikiwa imecheza mchezo mmoja zaidi ya Yanga.