Usaili wa wagombea Yanga kuhitimishwa leo

Usaili wa wagombea wa nafasi mbalimbali za uongozi katika klabu ya Yanga unaosimamiwa na TFF, ulianza jana na leo zoezi hilo litakamilishwa.

Baadhi ya wagombea waliojitokeza jana kwenye usaili huo, wawili ni wa nafasi ya Mwenyekiti, Baraka Igangula na Erick Ambakisye

Wengine waliojitokeza jana ni wagombea wa nafasi ya Makamu Mwenyekiti Yono Kavera na Titus Osolo pamoja na wengine wakiwa wagombea nafasi za Wajumbe wa Kamati ya Utendaji.

Uchaguzi wa kujaza nafasi zilizowazi utafanyika Januari 13 2019 ambapo utahusisha nafasi za Mwenyekiti, Makamu Mwenyekiti na nafasi nne za Wajumbe wa Kamati ya Utendaji