Manji kutinga Mkutano Mkuu kesho?

Klabu ya Yanga kesho Jumamosi Disemba mosi inafanya Mkutano Mkuu wa dharura utakaofanyika kwenye ukumbi wa PTA kuanzia saa tatu asubuhi.

Wanachama na Mashabiki wa klabu ya Yanga siku ya kesho wangependa kufahamu hatma ya uchaguzi wa kujaza nafasi zilizowazi hasa nafasi ya Mwenyekiti ambayo uongozi wa klabu hiyo umepinga kufanyiwa uchaguzi baada ya kurejea kwa Yusufu Manji.

Wanachama wa klabu ya Yanga watakuwa na nafasi ya kulijadili hili kwani ni moja ya ajenda za Mkutano huo.

Aidha, baadhi ya WanaYanga bado hawaamini kama Manji ni kweli amekubali kuendelea kuwa Mwenyekiti kwani hajasikika akitamka hadharani zaidi ya barua yake iliyotambulishwa na Mwenyekiti wa Baraza la Wadhamini Mh George Mkuchika mapema mwezi huu.

Je Manji atakuwepo kesho?

Jibu hilo litapatikana kwenye Mkutano huo lakini kwa mujibu wa kauli ya Mwenyekiti wa Kamati ya Mashindano ya Yanga, Hussein Nyika, Manji atakuwepo kesho.

Nyika amesema Manji atahudhuria Mkutano huo akiwa sambamba na Baraza la Wadhamini la klabu hiyo pamoja na viongozi wengine waandamizi wa Yanga