Wachezaji Yanga washuka dimbani bila kula leo, ni sababu ya mabadiliko ya muda wa mchezo

Kocha Mkuu wa Yanga Mwinyi Zahera amefichua kuwa wachezaji wake leo wameshuka dimbani bila ya kula chakula cha mchana kufuatia mabadiliko ya ghafla ya mda wa mchezo dhidi ya JKT Tanzania leo.

Awali mchezo huo ulipangwa kuchezwa saa 12 jioni lakini TFF iliurudisha saa kumi baada ya wamiliki wa uwanja wa Taifa kuuzuia uwanja kwa matumizi ya usiku.

Zahera amesema kutokana na kuchelewa kupewa taarifa ya mabadiliko hayo, ilibidi waahirishe kula chakula cha mchana ambacho walikuwa wameagiza kiandaliwe saa nane.

Zahera amesema wachezaji wake walipata kifungua kinywa saa tano asubuhi na baadae kuelekea moja kwa moja uwanjani kuikabili JKT Tanzania