Kabwili kuibeba Yanga dhidi ya JKT Tanzania leo

Licha ya kurejea kikosini, mlinda lango namba moja wa Yanga Beno Kakolanya hatacheza mchezo wa leo dhidi ya JKT Tanzania baada ya kukosa mazoezi ya timu hiyo kwa siku kadhaa.

Jana kocha Mkuu wa Yanga Mwinyi Zahera alithibitisha kuwa Kakolanya ni miongoni mwa wachezaji ambao wataukosa mchezo wa leo unaotarajiwa kuanza saa 12 jioni.

Wengine wanaotarajiwa kukosa mchezo huo kutokana na majeruhi ni Gadiel Michael, Juma Mahadhi, Baruani Akilimali na Kelvin Yondani

Kiungo Papi Tshishimbi naye ataukosa mchezo huo licha ya kuwa amerejea kikosi lakini bado hayuko 'fit'

Kukosekana kwa Kakolanya kunatoa nafasi nyingine kwa mlinda lango kinda Ramadhani Kabwili kukaa golini mbele ya Mcongomani Klaus Kindoki.

Kindoki amepoteza imani ya benchi la ufundi kwake baada ya kufanya makosa yaliyopelekea kuizawadia bao Mwadui fc kwenye mchezo wa ligi wiki iliyopita.

Makosa kama hayo aliyafanya kwenye mchezo wake wa kwanza msimu huu dhidi ya Stand United uliomalizika kwa Yanga kuibuka na ushindi wa mabao 4-3'

Moja ya mabao ya Stand ambayo yote yalifungwa na Alex Kitenge, lilitokana na kosa la kutema mpira.

Kindoki ameonekana kuwa na 'mchecheto' mwingi anapokuwa langoni.

Kabwili alicheza dakika 45 za kipindi cha pili dhidi ya Mwadui Fc na kudaka dakika zote 90 kwenye mchezo dhidi ya Kagera Sugar

Kabwili amedhihirisha anaweza kumpa changamoto Beno na leo ni nafasi nyingine kwake.