Wagombea 27 wajitokeza kuwania uongozi Yanga

Zoezi la kuchukua na kurudisha fomu za kuwania nafasi za uongozi katika klabu ya Yanga limefungwa rasmi juzi ambapo wagombea 27 wamejitokeza kuwania nafasi ya Mwenyekiti, Makamu Mwenyekiti na nafasi nne za Wajumbe wa Kamati ya Utendaji.

Mwanasheria wa TFF Herman Kidifu amesema wagombea wanne wamejitokeza kuwania nafasi ya Mwenyekiti ambao ni Dk Jonas Tiboroha, Yono Kevela, Mbaraka Igangula na Erick Ninga.

Waliochukua fomu za kuwania nafasi ya Makamu Mwenyekiti ni Titus Osoro, Salum Magege Chota na Kevela.

Wajumbe ni Hamad Ally Islamu, Benjamin Jackson Mwakasonda, Sylvester Haule, Salim Seif, Musa Katabaro, Shftu Amri na Said Baraka.

Wengine ni Pindu Luhoyo, Dominick Francis, Seko Jihadhari, Ally Omary Msigwa, Arafat Ally Haji, Geofrey Boniphace Mwita, Frank Kalokola, Ramadhan Said, Leonard Marango, Bernard Faustin Mabula, Christopha Kashiririka, Athanas Peter Kazige na Faustin Peter Bisangwa.

Akizungumza jana, Mwenyekiti wa Kamati ya Uchaguzi ya Shirikisho la Soka Tanzania (TFF), Wakili Ally Mchungahela alisema mchakato wa kuchukua na kurejesha fomu umefungwa rasmi na keshokutwa Ijumaa utafanyika mchujo kwa wagombea wote.

Uchaguzi utafanyika Januari 13 2019 kama ulivyopangwa.