Watani zetu Simba jana wameanza rasmi kuendesha klabu yao kwa mfumo wa kampuni.
Timu hiyo ilimtangaza Mkurugenzi wa kampuni na ikachagua Mwenyekiti na Wajumbe watano wa Bodi ya Wakurugenzi wa kampuni hiyo ya Simba Sport Club.
Hii ni hatua kubwa sana iliyopigwa na Simba ambayo hakika kama uongozi wa Yanga utendelea 'kupiga danadana' suala la mabadiliko ya mfumo wa uendeshaji wa klabu hiyo, hakika tutakuwa tumeridhia kwa hiari yetu kuukabidhi ufalme wetu wa soka la Tanzania kwa miaka mingi.
Tutawezaje kushindana na timu ambayo jana imetangaza kutenga bajeti ya Bil 6.3 kwa msimu huu huku ikipanga kutumia takribani Mil 750 wakati wa usajili wa dirisha dogo unaofunguliwa Novemba 15?
Ni wakati sasa wanachama wa klabu ya Yanga wakaachana na mawazo 'mfu' ya kumtegemea mtu mmoja kuiendesha Yanga.
Najua wengi bado wanapenda kumuona Manji akiendelea kuifadhili Yanga kutokana na mapenzi yake kwa klabu hii.
Lakini nadhani ingependeza zaidi kama Manji atarejea Yanga akiwa Mwekezaji sambamba na Wawekezaji wengine wakiwemo wanachama wa Yanga
Mpira wa sasa unahitaji uwekezaji mkubwa wa kifedha ili kuweza kupata mafanikio endelevu.
Huko tunakoelekea hakuna namna Yanga itaweza kushindana na Simba au hata Azam Fc kama sisi tutaendelea kung'ang'ania mfumo huu wa 'kutembeza bakuli' kwa mashabiki na wanachama.
Ikumbukwe Yanga ndio klabu ya kwanza kupitisha mabadiliko ya mfumo wake wa uendeshaji. Tayari katiba ya klabu ya Yanga inatambua mfumo wa uendeshaji wa kampuni.
Lakini kwa miaka mingi Yanga imeshindwa kutekeleza kwa vitendo mabadiliko hayo kutokana na migogoro ya uongozi inayojitokeza mara kwa mara.
Kwa zama hizi, jambo hilo halihitaji mjadala tena. Tukubali kubadilika tuwe na nguvu za kiuchumi kama wenzetu au tuendelee kubaki na mfumo wetu na kuwa wasindikizaji wa wenzetu.
Timu hiyo ilimtangaza Mkurugenzi wa kampuni na ikachagua Mwenyekiti na Wajumbe watano wa Bodi ya Wakurugenzi wa kampuni hiyo ya Simba Sport Club.
Hii ni hatua kubwa sana iliyopigwa na Simba ambayo hakika kama uongozi wa Yanga utendelea 'kupiga danadana' suala la mabadiliko ya mfumo wa uendeshaji wa klabu hiyo, hakika tutakuwa tumeridhia kwa hiari yetu kuukabidhi ufalme wetu wa soka la Tanzania kwa miaka mingi.
Tutawezaje kushindana na timu ambayo jana imetangaza kutenga bajeti ya Bil 6.3 kwa msimu huu huku ikipanga kutumia takribani Mil 750 wakati wa usajili wa dirisha dogo unaofunguliwa Novemba 15?
Ni wakati sasa wanachama wa klabu ya Yanga wakaachana na mawazo 'mfu' ya kumtegemea mtu mmoja kuiendesha Yanga.
Najua wengi bado wanapenda kumuona Manji akiendelea kuifadhili Yanga kutokana na mapenzi yake kwa klabu hii.
Lakini nadhani ingependeza zaidi kama Manji atarejea Yanga akiwa Mwekezaji sambamba na Wawekezaji wengine wakiwemo wanachama wa Yanga
Mpira wa sasa unahitaji uwekezaji mkubwa wa kifedha ili kuweza kupata mafanikio endelevu.
Huko tunakoelekea hakuna namna Yanga itaweza kushindana na Simba au hata Azam Fc kama sisi tutaendelea kung'ang'ania mfumo huu wa 'kutembeza bakuli' kwa mashabiki na wanachama.
Ikumbukwe Yanga ndio klabu ya kwanza kupitisha mabadiliko ya mfumo wake wa uendeshaji. Tayari katiba ya klabu ya Yanga inatambua mfumo wa uendeshaji wa kampuni.
Lakini kwa miaka mingi Yanga imeshindwa kutekeleza kwa vitendo mabadiliko hayo kutokana na migogoro ya uongozi inayojitokeza mara kwa mara.
Kwa zama hizi, jambo hilo halihitaji mjadala tena. Tukubali kubadilika tuwe na nguvu za kiuchumi kama wenzetu au tuendelee kubaki na mfumo wetu na kuwa wasindikizaji wa wenzetu.
ADVERTISE HERE
