Ajib mgodi wa mabao Yanga

Hakuna shaka kwa sasa Ibrahim Ajib ndiye mchezaji bora wa ligi kuu ya Tanzania Bara kutokana na mwenendo wake katika kikosi cha Yanga.

Baada ya kuhusika katika mabao yote matatu kwenye mchezo dhidi ya Alliance, mguu wa Ajib umehusika kwenye mabao 11 kati ya 14 yaliyofungwa na Yanga mpaka sasa.

Ajib ametengeneza mabao nane huku pia akifunga mabao matatu.

Si ajabu kuona baadhi ya timu zimeanza kuinyemelea sahihi yake baada ya kuonyesha ubora wa hali ya juu msimu huu.

Uongozi wa Yanga tayari umeanza mchakato wa kumpa mkataba mpya. Mkataba wake umalizika mwishoni mwa msimu.