Kakolanya yuko sawa, arejea kambi ya timu ya Taifa sambamba na Yondani, Chikupe, Fei Toto na Gadiel

Mlinda lango namba moja wa Yanga Beno Kakolanya jana alishindwa kumaliza mchezo dhidi ya Mbao FC baada ya kuumia.

Kakolanya alipata maumivu ya nyuma ya paja kwenye kipindi cha kwanza wakati akiondoa moja ya mipira ya langoni.

Kakolanya alishindwa kuendelea na mchezo kwenye dakika ya 55 na nafasi yake kuchukuliwa na Klaus Kindoki.

Taarifa njema ni kwamba Kakolanya anaendelea vizuri baada ya kupatiwa matibabu hapo jana na tayari amerejea kwenye kambi ya timu ya Taifa.