Kikosi cha Yanga leo kimeingia siku ya nne ya maandalizi yake visiwani Zanzibar katika kambi ya siku 10 chini ya kocha mpya wa timu hiyo Fadlu Davids.
Kambi hiyo imempa nafasi Fadlu kupata utulivu wa maandalizi ya kikosi chake licha ya kuwa anawakosa baadhi ya wachezaji waliokwenda majukumu ya timu za Taifa.
Lakini pia kambi hiyo ni sehemu ya maandalizi ya Yanga kuelekea hatua ya makundi ya michuano ya ligi ya mabingwa barani Afrika (CAFCL).
Ikumbukwe Yanga imechagua kucheza mechi zake za hatua ya makundi kwenye uwanja wa New Amaan Complex visiwani humo wakitarajiwa kuanza kampeni yao kwa mchezo dhidi MC Alger Novemba 28.
Msimu huu Yanga imepania kufanya vyema kwenye ligi ya mabingwa mkakati ukiwa angalau kutinga robo fainali.
Kwa misimu miwili iliyopita Yanga ilishindwa kuvuka hatua ya makundi ikimaliza kwenye nafasi ya tatu katika misimu yote.
Licha ya ugumu wa kundi B, kocha wa Yanga Fadlu Davids amesema wanajiandaa vyema ili kwenda kushindana.