Shoo ya kibabe kutoka kwa Wananchi imeshuhudiwa uwanja wa KMC Complex Yanga ikiibuka na ushindi wa mabao 4-0 katika mchezo wa ligi kuu ya NBC dhidi ya Kagera Sugar.
Wakicheza soka la kasi, wakifanya pressing iliyowapa wakati mgumu Kagera Sugar kujenga mashambulizi kutoka chini, mabingwa hao watetezi wa ligi kuu walionyesha dhamra ya kuzihitaji alama tatu mapema tu pale Peter Shalulile alipoweka mpira kambani mapema bao lililokataliwa na FVS akiwa eneo la kuotea.
Hata hivyo muda mfupi baadae dakika ya 26 Shalulile alifunga bao jingine ambalo FVS walilikubali akimalizia krosi ya Maxi Nzengeli.
Dakika sita tu baadae zikawarejesha tena Kagera Sugar kuanza mpira katikati ya uwanja kwa mara nyingine baada ya Mohamed Hussein 'Zimbwe Jr' kufunga bao la pili akimalizia pasi mahiri kutoka kwa Stephane Aziz Ki.
Yanga ilikwenda mapumziko ikiwa mbele kwa mabao 2-0. Kipindi cha pili alikuwa ni Ibrahim Toure 'super sub' aliyeongeza mabao mawili dakika za lala salama.
Bao la tatu alilifunga dakika ya 87 kwa kichwa akimalizia krosi ya Zimbwe Jr kabla ya kufunga bao la 'kideoni' dakika za majeruhi baada ya kupokea krosi kutoka kwa Clement Mzize.
Ni ushindi ulioirejesha Yanga katika nafasi ya pili ikiwa ni mechi ya pili Wananchi wanashinda baada ya kipindi kigumu.
