Licha ya kupangwa katika kundi gumu (B) msimu uliopita lililojumuisha Al Ahly, AS FAR na JS Kabylie zote kutoka Mataifa ya Kiarabu, msimu huu tena Yanga inakwenda kukutana na mazingira kama yaleyale kundi B.
Wakati huu Wananchi watasafiri tena Misri lakini kuikabili Zamalek, watakwenda Algeria kuikabili MC Alger na watakwenda Tunisia kuikabili Club Africain.
Msimu uliopita Yanga ilimaliza hatua ya makundi nafasi ya tatu ikukusanya alama 8, ni wazi msimu huu mkakati unapaswa kuwekwa mapema ili kuhakikisha zinapatikana angalau alama 9+ ambazo zinaweza kutosha kuivusha Yanga robo fainali.
Silaha muhimu kwa Yanga ni matumizi ya uwanja wa nyumbani. Alama zote 9 nyumbani lazima zipatikane na kisha ugenini kusaka angalau alama moja.
Club Africain na MC Alger sio ngeni kwa Yanga kwani wamekutana nazo kwenye misimu ya karibuni wakati Zamalek wakiwa ndo wapya.
Kundi B linaonekana kama ndio kundi la kifo lakini hapa Wananchi wanaweza kuwashangaza wengi kwa kufuzu robo fainali.
