CFFA tayari wameshawasili Dar

Timu ya CFFA ya Madagascar tayari imewasili nchini kuelekea mechi mbili za ligi ya mabingwa dhidi ya Yanga kuwania tiketi ya kufuzu hatua ya makundi ligi ya mabingwa Afrika (CAFCL)

Mchezo wa mkondo wa kwanza ambao watakuwa wenyeji utapigwa Jumamosi Oktoba 17 uwanja wa Azam Complex saa 9 Alasiri na mchezo wa marudiano kupigwa siku nne baadae katika uwanja huohuo.

Wakati wageni wao wakiwasili mapema, Yanga iliingia kambini juzi kujiandaa na mchezo huo ambao Wananchi wamepania kushinda ili kujiwekea mazingira mazuri ya kutinga hatua ya makundi kwenye mchezo wa marudiano.

Baada ya kupoteza mchezo dhidi ya Simba, Wananchi hawana tena nafasi ya kufanya makosa kwenye mchezo unaofuata lengo kuu likiwa kufuzu hatua ya makundi.