Mechi za raundi ya pili kuwania tiketi za kufuzu fainali za Afcon 2027 zinaendelea leo ambapo baadhi ya mastaa wa Yanga nao watakuwa uwanjani.
Mchezo wa mapema saa nane, utazikutanisha Comoros dhidi ya Namibia mchezo ambao utawashuhudia nyota wa Yanga Hussein Zakouane na Peter Shalulile wakiwa wapinzani kwa dakika 90.
Zakouane anaitumikia timu ya Taifa ya Comoros wakati Shalulile akiiongoza timu ya Taifa ya Namibia.
Saa 10 jioni kikosi cha Tanzania kitakuwa uwanjani kumenyana na Madagascar katika mchezo mwingine ambao Wananchi watawashuhudia Mohamed Hussein, Ibrahim Bacca, Mudathir Yahya na Selemani Mwalimu.
Beki na nahodha wa Yanga Bakari Nondo Mwamnyeto hakusafiri na kikosi cha Stars kwenda kuikabili Madagascar kutokana na changamoto za kifamilia.
Mchezo mwingine kati ya Zambia na Togo utapigwa saa 1 usiku, Albert Kangwanda akitarajiwa kuiwakilisha Zambia.
