Kiungo mshambuliaji wa Yanga, Albert Kangwanda, amesema hali ya kikosi kambini ni nzuri na wachezaji wamejiandaa vyema kuelekea mchezo wao wa CAF Champions League dhidi ya Gaborone United ya Botswana.
Kangwanda amesema maandalizi yameenda vizuri na kwamba kikosi kiko tayari kupambana kwa nguvu zote katika mchezo huo. Amesisitiza kuwa wachezaji wamejipanga kuhakikisha wanatoa kila kitu uwanjani ili kupata matokeo waliyokwenda kuyatafuta.
"Hali kambini ni nzuri sana. Tumejiandaa vizuri kwa ajili ya mchezo huu na kwa matumaini kesho tutatoa kila kitu uwanjani na kupata matokeo ambayo tumekuja kuyatafuta," alisema
Yanga inatarajiwa kushuka dimbani Jumamosi, Septemba 5, 2026, dhidi ya Gaborone United katika Uwanja wa National Stadium, huku timu hiyo ikilenga kuanza kampeni yake ya CAF Champions League kwa matokeo chanya ugenini.
