Msako wa ubingwa wa sita mfululizo unaanza Ruangwa leo

Mabingwa wa soka Tanzania Bara Yanga leo wako mkoani Lindi kuanza kampeni ya kutetea taji la ligi kuu kwa msimu wa sita mfululizo.

Saa 3 usiku Yanga itashuka uwanja wa Majaliwa kuikabili Namungo Fc katika mchezo wa kwanza msimu huu.

Kikosi cha Yanga kilitua Ruangwa juzi ambapo jana vijana wa kocha Manqoba Mngqithi walikamilisha maandalizi yao.

Licha ya kutambua ugumu wa mchezo huo, Manqoba amesema wanakwenda kuikabili Namungo Fc wakiwa na ubora ule ule kama walivyofanya kwenye mchezo uliopita dhidi ya Simba wakiibuka na ushindi wa bao 1-0 na kutwaa Ngao ya Jamii visiwani Zanzibar.

Manqoba alisema nyota wake wote aliokuwa nao Zanzibar wako tayari kwa mtanange huo utakaopigwa majira ya saa 3 usiku.