Yanga yatambua mchango wa Dk Nchemba Bodi ya Wadhamini

Mapema leo, Rais wa klabu ya Yanga, Injinia Hersi Said alimkabidhi Waziri Mkuu wa Jamhuri ya Muungano wa Tanzania, Mhe. Dkt. Mwigulu Lameck Nchemba, Cheti cha Shukrani kwa kutambua mchango wake mkubwa alioutoa wakati akihudumu nafasi ya Mjumbe wa Bodi ya Wadhamini ya Yanga.

Injinia Hersi alimpongeza na kumtakia kila la kheri, Mhe. Mwigulu katika majukumu yake mapya ya kulitumikia Taifa.

Rais wa Yanga pia alimkabidhi Mhe. Mwigulu jezi rasmi za Msimu mpya wa 2026/27 na kutumia fursa hiyo kumkaribisha rasmi kwenye YANGA DAY itakayofanyika siku ya Jumapili, uwanja wa Uhuru, Jijini Dar Es Salaam.